နိုင်ငံကူးလက်မှတ်သက်တမ်းတိုး အသစ်ထုတ်ပေးရန်အတွက် တင်ပြလျှောက်ထားရမည့် အချက်အလက်များ

နိုင်ငံခြားသား(Foreigner) (သို့မဟုတ်) မြန်မာနိုင်ငံသားဟောင်း (Ex-Myanmar)နှင့် လက်ထပ်ထားသောမြန်မာအမျိုးသမီး မှီခိုသူများအနေဖြင့်  မြန်မာနိုင်ငံကူးလက်မှတ်  သက်တမ်းတိုးရာတွင် လိုက်နာရမည့်အချက်များ

• နိုင်ငံခြားသား(Foreigner) (သို့မဟုတ်) မြန်မာနိုင်ငံသားဟောင်း (Ex-Myanmar)နှင့် လက်ထပ်ထားသော မြန်မာအမျိုးသမီး မှီခိုသူ များအနေဖြင့် သာမန်မြန်မာနိုင်ငံကူး လက်မှတ်အား သက်တမ်း တိုးမည်ဆိုပါက မြန်မာအမျိုးသမီးအား ကာကွယ်သည့် နေဖြင့် အပြန်လေယာဉ်စရိတ်အတွက် နော်ဝေးဂျီးယန်းခရိုနာ ၇၀ဝ၀/- နော်ဝေးဂျီးယန်းခရိုနာ ခုနှစ်ထောင်တိတိအား) မြန်မာသံရုံး၊ အော်စလိုမြို့တွင် (Deposit) ပေးသွင်းထားရန် လိုအပ်ပါကြောင်း အသိပေးအပ်ပါသည်။
• အဆိုပါပေးသွင်းမှု အထောက်အထားအား မြန်မာသံရုံး၊ အော်စလိုမြို့မှ မှတ်တမ်း တင်ထားမှု စာရွက်စာတမ်း ပြန်လည်ပေးအပ်မည်ဖြစ်ပြီး၊ ကာယကံရှင်မှ အဆိုပါ စာရွက်စာတမ်းအား သိမ်းဆည်းထားရန် လိုအပ်မည်ဖြစ်ပါသည်။
• အကယ်၍ (Deposit) ပေးသွင်းထားသောကာယကံရှင်သည် မြန်မာနိုင်ငံသားအဖြစ်မှ စွန့်လွှတ်မည်(သို့မဟုတ်) နိုင်ငံခြား သားခင်ပွန်းဖြစ်သူနှင့် ကွာရှင်းပြတ်ဆဲခဲ့၍ မြန်မာနိုင်ငံသို့ အပြီးအပိုင်ပြန်သွားမည်ဆိုပါက မြန်မာသံရုံးမှ ထုတ်ပေးသော အထောက်အထားစာရွက်နှင့် အတူ အဆိုပါ (Deposit)ငွေအား ပြန်လည်ထုတ်ယူနိုင်ပါကြောင်း အသိပေး အကြောင်းကြား အပ်ပါသည်။

မှတ်ချက်။ ဖော်ပြပါစာရွက်စာတမ်းများအပြင် ထပ်မံလိုအပ်သည့် စာရွက်တမ်းများကို သံရုံးမှ တောင်းခံလာပါက တင်ပြနိုင်ရပါမည်။